سرکاری ٹرانسپورٹ کمپنی نے خواتین کیلئے ابتدائی طورپر بیس ٹرینیں چلائی ہیں۔ یہ ٹرینیں دارالحکومت جکارتہ اور گرد ونواح کے شہروں کے لیے خواتین کوسفری سہولیات فراہم کریں گی۔ کمپنی حکام کا کہنا ہے کہ یہ مخصوص ٹرینیں چلانے کا مقصد خواتین کو سفر کے دوران تحفظ فراہم کرنا ہے۔ انڈونیشیا میں خواتين کی ایک بڑی تعداد جنرل ٹرانسپورٹ میں سفرکرنے سے اجتناب کرتی ہے۔ واضح رہے کہ جاپان، ملائیشیا، تائیوان، تائیوان اور بھارت میں بھی خواتین کے لیے علیحدہ ٹرانسپورٹ کا انتظام موجود ہے۔
آج : جمعرات ، 02 ستمبر ، 2010
