ملک کے بیشترحصوں کی طرح اسلام آباد راولپنڈی میں بارش کا سلسلہ جمعے کے روز بھی وقفے وقفے سے جاری رہا ۔ گزشتہ کئی روز سے جاری بارشوں کی وجہ سے راول ڈیم سے اضافی پانی خارج کرنے کا فیصلہ کیا گیا ہے اوراخراج کے لئے سپل ویز کھولے جاچکے ہیں، ڈیم انتظامیہ کا کہنا ہے کہ راول ڈیم میں سینتیس ہزارسات سو ایکڑ فٹ پانی ذخیرہ کرنے کی گنجائش ہے اورملحقہ آبادی کو کسی بھی ممکنہ نقصان سے محفوظ رکھنے کیلئے ڈیم سے اضافی پانی خارج کیا جارہا ہے ۔ ادھر کورنگ نالہ کے کنارے آباد مکینوں کو محتاط رہنے کی ہدایت کی گئی

حکومتی پیکج مسترد کرتے ہوئے  عطاء آباد اورسرت کے چارسوسے زائد متاثرین نے گذشتہ روز عطاء آباد جھیل کی جانب لانگ مارچ کیا تھا ۔ بیس کلومیٹرکا سفرپیدل طے کرنے کے بعد ان متاثرین نے جھیل کے سپل وے کے کنارے دھرنا دیا ۔ دوسری جانب اعلٰی حکام کی  یقین دھانی کے باوجود کوئی حکومتی عہدیدار مظاہرین سے مذاکرات کے لیے تاحال نہیں پہنچا جس کے باعث مظاہرین کا دھرنا آج بھی جاری ہے ۔ مظاہرین نےاعلان کیا ہے کہ اگر آج گلگت بلتستان کا کوئی اعلٰی عہدیدار ان کے پاس نہ آیا تو وہ اپنے تباہ شدہ علاقوں میں جاکرقیام

گزشتہ بارہ گھنٹوں کے دوران جھیل میں پانی کی سطح میں ایک فٹ کمی واقع ہوئی ہے ۔ جھیل میں اس وقت پانی کی آمد چودہ ہزار کیوسک اور اخراج سولہ ہزارکیوسک ہے ماہرین کی ٹیم نے سپل وے کے رستے میں میں آنیوالے ایک بڑا پتھر ہٹا دیا ہے جس سے پانی کے اخراج میں مزید اضافہ ہونے کا امکان ہے ۔ خراب موسم کے باعث جھیل میں مال بردار کشتی سروس آج معطل ہوسکتی ہے ۔ جھیل میں کشتی سروس بحال ہونے سے بالائی ہنزہ اور گوجال کے مکینوں کے علاوہ پاک چین تجارت سے منسلک تاجروں اورملکی وغیرملکی سیاحوں کےلیے بھی سفرآسان ہوگیا ہے ۔