دی موسٹ ڈینجرس مین ان دی ورلڈ کے نام سے بننے والی فلم کے لئے اسانج کی سوانح حیات کے حقوق پروڈیوسرز بیری جوزف اور مائیکل کرم نے حاصل کئے ہیں جبکہ دی موسٹ ڈینجرس مین ان دی ورلڈ کا سکرپٹ آسٹریلیا کے ایوارڈ یافتہ مصنف اینڈریو فلاور لکھ رہے ہیں ۔ پرڈیوسرزکا کہنا ہے کہ سسپنس سے بھرپور فلم بنانے کی منصوبہ بندی کی جارہی ہے کیونکہ جولین اسانج کی زندگی کی کہانی میں ایک کامیاب فلم کے تمام اجزا موجود ہونے چاہیئں ۔ فلم کے لئے ڈائریکٹر اور کاسٹ کا انتخاب ابھی باقی ہے ۔

جولین اسانج نے اپنی سوانح عمری شائع کرانے کیلئے تمام تفصیلات برطانیہ اور امریکہ کے دو اشاعتی اداروں کو فروخت کردی ہیں ۔ توقع ہے کہ اس کا متن آئندہ سال مارچ میں تیار ہوجائے گا ۔ برطانوی میڈیا کے مطابق اتنالیس سالہ جولین اسانج اپنے غیر معمولی کارناموں کے باعث اپنی سوانح عمری شائع کرانا چاہتے ہیں اور اس کام کیلئے انہوں نے برطانیہ کے کینون گیٹ اور امریکہ کے کینوف پبلشنگ ہاوٴس کو اہم معلومات فروخت کردی ہیں۔

سابق برطانوی وزیراعظم ٹونی بلیئر کی سوانح عمری مارکیٹ میں آگئی ہے ، ٹونی بلیئرنے اس سے حاصل ہونے والے لاکھوں پاؤنڈ خیراتی اداروں کودینے کا اعلان کیا ہے جبکہ عراق جنگ کے مخالفین کا کہنا ہے کہ اس رقم سے لاکھوں بیگناہ انسانوں کا خون نہیں دھویا جاسکتا ۔ اے جرنی ( A Journey) کے نام سے شائع ہونیوالی اس کتاب میں ٹونی بلیئرنے نائن الیون کے بعد شروع کی جانیوالی جنگ کے حوالے سے تفصیلات فراہم کی ہیں ۔ ٹونی بلیئر پر عراق جنگ میں امریکہ کا ساتھ دینے پر سخت تنقید کا سلسلہ بھی جاری ہے ۔ سابق وزیراعظم اپنی کتاب کے