سرگودھا کے علاقے چک نمبر انتالیس شمالی میں بچے بارش کے پانی میں نہا رہے تھے کہ اچانک بجلی کے ٹوٹے ہوئے تاروں سے کرنٹ لگنے کے باعث موقع پر ہی جاں بحق ہوگئے۔ جاں بحق ہونے والوں میں سمیرا،بابراوروقاص شامل ہیں ۔ادھر ضلع صوابی میں جمعرات اور جمعہ کی درمیانی شب طوفانی بارش ہوئی جس کے بعد تحصیل ٹوپی میں برساتی نالوں میں طغیانی آگئی ہے، گجرات میں بارش کے باعث نشیبی علاقے زیرآب آگئے ہیں جبکہ میانوالی میں موسلادھار بارش کے بعد پانی گھروں میں داخل ہو گیا۔

پانچوں افراد کو چھ اکتوبر دو ہزار آٹھ کو سعید اکبر نوانی ہاؤس میں خود کش حملے کے بعد حراست میں لیا گیا تھا۔سرگودھا کی انسداد دہشت گردی کی خصوصی عدالت نے سماعت کے بعد پانچوں ملزمان ڈاکٹر نذیر، وقاراحمد،امجد عباس، عارف اور امجد خان کو بری کر دیا ۔ اس حملے میں چھبیس افراد جاں بحق جبکہ چھہتر زخمی ہوئے تھے

محکمہ سوئی گیس نے سرگودھا کی تحصیل بھلوال کے رہائشی منشی خان کے نام دو کروڑ چونسٹھ لاکھ اٹھائیس ہزار روپے کا بل بھجوا دیا ہے ۔ بھٹے پر مزدوری کرنے والے آٹھ بچوں کا باپ اپنے اہلخانہ کے ہمراہ اڑھائی مرلے کے مکان میں رہائش پذیر ہے ۔ جب اس نے بل دیکھ کر حکام سے رابطہ کیا تو انہوں نے تسلیم کیا کہ بل غلطی سے جاری ہوا جسے جلد درست کردیا جائے گا۔