کشمیر میڈیا سروس کے مطابق بھارتی فوج نے مقبوضہ وادی کے ضلع کپواڑہ میں سرچ آپریشن کے دوران چار کشمیری نوجوانوں کو شہید کردیا ہے۔ کارروائی کے دوران بھارتی فوجیوں نے لوراب کے علاقے میدان پورہ میں ایک گھر میں داخل ہوکر وہاں موجود چار نوجوانوں کو فائرنگ کرکے شہید کردیا۔ کشمیریوں کی پر امن تحریک آزادی کو کچلنے کے لیے قابض انتظامیہ کی جانب سے پرتشدد کارروائیوں میں اب تک لاکھوں کشمیری شہید ہوچکے ہیں۔