اطلاعات کے مطابق دارالحکومت صنعا سے دوسو کلومیٹر دورواقع تائز نامی شہر میں سکیورٹی فورسز نے مظاہرین کو تشدد کا نشانہ بنایا جبکہ اس دوران آنسوگیس کی شیلنگ اور فائرنگ سے درجنوں مظاہرین زخمی ہوگئے۔ مظاہرین صدرعلی عبداللہ صالح کے استعفٰی کا مطالبہ کررہے ہیں جو جون میں قاتلانہ حملے کے بعد سعودی عرب میں ہیں اور انہوں نے مستعفی ہونے سے انکار کردیا ہے۔ دوسری جانب سعودی عرب اور امریکہ نے خدشہ ظاہر کیا ہے کہ یمن میں بدامنی سے خطے میں القاعدہ کو تقویت مل سکتی ہے۔