اطلاعات کے مطابق خیبرایجنسی کی تحصیل باڑہ کےعلاقے کالا خیل سے نامعلوم افراد نےچونتیس مزدوروں کو اغواء کرلیا ہے۔تیس مزدور کوئلے کی کان میں کام کرتے تھے جبکہ چار کا تعلق ایک تعمیراتی کمپنی سے بتایا گیا ہے۔ذرائع کا کہنا ہے کہ شدت پسند مزدوروں کو اغواء کرکے نامعلوم مقام پرلےگئےہیں۔ دوسری جانب انتظامیہ نے واقعہ کی تحقیقات شروع کردی ہیں۔

اطلاعات کے مطابق خیبرایجنسی کی تحصیل باڑہ کے علاقے وادی تیرہ میں سڑک کے کنارے نصب بم اس وقت دھماکے سے پھٹ گیا جب شدت پسندوں کی ایک گاڑی وہاں سے گزر رہی تھی جس کے نتیجے میں چار شدت پسند موقع پر ہی ہلاک اور ایک زخمی ہوگیا ۔ ذرائع کا کہنا ہے کہ تحصیل باڑہ میں عرصہ دراز سے شدت پسندوں کے دو گروپوں میں لڑائی جاری ہے جو اکثر ایک دوسرے پرحملے کرتے رہتے ہیں۔ دوسری جانب سکیورٹی فورسز نے علاقے کو گھیرے میں لے کر ملزموں کی تلاش شروع کردی ہے۔

خیبرایجنسی کی تحصیل باڑہ کےعلاقے اکاخیل میں شدت پسندوں نےسکیورٹی چیک پوسٹ پرحملہ کردیا جس کے نتیجے میں امن لشکرکے پانچ رضاکارجاں بحق ہوگئے جبکہ اس حملے میں پانچ رضا کار زخمی بھی ہوئے۔سکیورٹی فورسزکی جوابی کارروائی میں بارہ شدت پسند بھی مارے گئے۔ ذرائع کے مطابق قانون نافذ کرنےوالےاداروں نےعلاقےکو گھیرے میں لے کر سرچ آپریشن شروع کردیا ہے۔