دارلامان جھنگ کی سپرنٹنڈنٹ ثمرہ رباب کی کوششوں سے فیصل آباد میں چک نمبر دو سو ستاون کے رہائشی اسی سالہ غلام نبی نے دارلامان میں گذشتہ آٹھ ماہ سے مقیم پینسٹھ سالہ خاتون وکیلاں بی بی سے شادی کرلی ہے۔ وکیلاں بی بی کا دنیا میں اس دنیا میں کوئی بھی نہیں اور وہ تہنا دارلامان میں زندگی کے دن پورے کر رہی تھی ۔ سپرنٹنڈنٹ ثمرہ رباب کی کوششوں سے غلام نبی بارات لے کر دارلامان جھنگ پہنچ گیا جہاں دونوں کی شادی نہایت سادگی سے سرانجام پائی ، شادی کی تقریب میں مقامی سیاسی و سماجی شخصیات نے بھی شرکت کی۔ واضح رہے کہ

کیس کی سماعت جسٹس شیخ عظمت سعید کی سربراہی میں قائم لاہور ہائی کورٹ کا دورکنی بینچ کررہا ہے۔ کیس کی سماعت کے دوران صدر سپریم کورٹ بار عاصمہ جہانگیر نے عدالت سے استدعا کی کہ وکلاء کے خلاف دہشت گردی کے مقدمات درج کرنے پر ڈی پی او جھنگ کافوری طور پر تبادلہ کیا جائے۔ کیس کی سماعت کے دوران عدالت نے جھنگ کے وکلاء سے تین ماہ سے جاری ہڑتال ختم کرنے کا مطالبہ بھی کیا۔ عدالت نے کیس کی آئندہ سماعت پر دونوں گمشدہ وکلاء کو عدالت کے سامنے پیش کرنے کے احکامات جاری کرتے ہوئے سماعت پندرہ ستمبر تک موخر کردی ۔

جھنگ میں پاک فضائیہ کا میراج لڑاکا طیارہ تربیتی پرواز کے دوران گرکر تباہ ہوگیا ۔ یہ حادثہ کوٹ شاکرکے موضع چن میں پیش آیا۔ پاک فضائیہ کا میراج طیارہ فور زیرو ون تربیتی پروازپرتھا کہ اس کا انجن فیل ہوگیا ۔ حادثے میں طیارے کا پائلٹ محفوظ رہا ۔ پاک فضائیہ کے ترجمان نے حادثے کی تصدیق کرتے ہوئے کہا ہے کہ حادثے کی مکمل انکوائری کے لیے بورڈ تشکیل دے دیا گیا ہے ۔