وزیراعظم سیّد یوسف رضا گیلانی کی زیر صدارت آج وزیراعظم ہاؤس میں ہونیوالی توانائی کانفرنس میں چاروں صوبوں کے وزرائے اعلیٰ اور متعلقہ اداروں کے سربراہان شرکت کریں گے، کانفرنس میں لوڈ شیڈنگ کے خاتمہ کے لیے حکمت عملی وضع کی جائے گی۔کانفرنس میں ملک میں جاری بجلی بحران،غیراعلانیہ لوڈ شیڈنگ اور سرکلرڈیٹ کے معاملے کا جائزہ لیا جائے گا۔ کانفرنس میں ہفتے میں دو چھٹیوں کی تجویز پر حتمی فیصلے کا بھی امکان ہے۔

اجلاس قائم مقام ڈپٹی سپیکر فیصل کریم کنڈی کی زیر صدارت پارلیمنٹ ہاؤس میں شام چار بجےشروع ہو گا۔ارکان پاکستان کو ملنے والی امریکی دھمکیوں اور اے پی سی کی قراردادوں پر اظہار خیال کریں گے ۔اجلاس میں سندھ میں سیلاب متاثرین کو درپیش مشکلات، امن و امان ،کراچی کی صورتحال ،مہنگائی اور لوڈ شیڈنگ کے مسائل بھی زیر بحث آئیں گے ۔قومی اسمبلی کے اجلاس سے قبل ہاؤس بزنس ایڈوائزری کمیٹی کا اجلاس بھی ہو گا۔

تنظیم نے پہلی مرتبہ پاکستان کی افغانستان کے حوالے سےپالیسی کو ’ دوغلی’ قرار دیا ہے اور اسے کڑی تنقید کا نشانہ بھی بنایا ہے۔ کالعدم تحریک طالبان پاکستان کے نائب امیر اور باجوڑ طالبان کے کمانڈر مولوی فقیر محمد نے برطانوی نشریاتی ادارےسے گفتگو کرتے ہوئے کہا کہ امریکہ افغانستان سے اپنی افواج کا انخلا چاہتا ہے جبکہ پاکستان کی کوشش ہے کہ وہ امریکہ کو اس جنگ میں دھکیل کر دوبارہ پھنسا دے اور دونوں ممالک ایک دوسرے کے ساتھ ڈرامہ کررہے ہیں۔اور دونوں اتحادی ہونے کے باوجود ایک دوسرے کو دھوکہ دے رہے