کراچی (ریڈیو مانیٹرنگ) موغادیشو کے قریب صومالی قذاقوں کے ہاتھوں یرغمال بنائے گئے بحری جہاز ایم وی البیڈو کے چیف آفیسر مجتبیٰ کی بیٹی حرا نے قوم سے اپیل کی ہے کہ جس طرح لیلی کے پاپا کو بحری قذاقوں سے رہائی دلوائی گئی اسی طرح میرے والد کو بھی رہا کروا کر پاکستان لایا جائے۔

لاہور (اے پی پی) ملکہ ترنم نورجہاں کی بیٹی حنا نے بھی فیشن انڈسٹری میں قدم رکھ دیا۔ حنا نے کراچی میں اپنا ذاتی بوتیک کھول لیا ہے جس میں انہوں نے اپنے تیار کردہ ملبوسات کی نئی کولیکشن متعارف کروائی ہے۔ واضح رہے کہ وہ لاہور میں بھی بوتیک کھولنے کا ارادہ رکھتی ہیں۔

ایک ٹی وی چینل کو دیئے گئے انٹرویو میں معمر قذافی کی بیٹی عائشہ قذافی نے کہا ہے کہ ان کے والد بالکل ٹھیک ہیں اور اپنے بیٹوں کے ہمراہ لیبیا کی آزادی کی جنگ لڑ رہے ہیں۔ انہوں نے کہا کہ چالیس ملکوں نے اپنے طیاروں، راکٹس اور ٹیکنالوجی کیساتھ لیبیا پر حملہ کیا ہے انہیں مقامی غداروں کی حمایت حاصل ہے تاہم لیبیا کے بہادر عوام دشمن کی بے پناہ طاقت کے باوجود ثابت قدمی سے لڑرہے ہیں۔ عائشہ قذافی نے عرب رہنماؤں اورعوام پر تنقید کرتے ہوئے کہا کہ عرب لیڈروں نے لیبیائی عوام کے قتل عام میں مدد کی ، افسوس یہ ہے کہ