قومی اسمبلی میں مسلم لیگ ن کے رکن لائق محمد خان کے نقطہ اعتراض کے جواب میں انہوں نے کہا کہ کالا ڈھاکہ میں سوات سے بھاگے ہوئے اشتہاری مجرموں کے خلاف کاروائی ہورہی ہے تاہم اگر کسی کے ساتھ زیادتی ہوئی تو اس کا ازالہ کیا جائے گا۔ رحمان ملک کا کہنا تھا کہ کسی بھی سیاسی جماعت کے کارکن کو داڑھی رکھنے اورپگڑی پہننے کے باعث گرفتار نہیں کیا جارہا ۔ انہوں نے کہا کہ وزیراعظم سید یوسف رضا گیانی کی جانب سے گرفتارافراد کی رہائی کے حکم پر عمل درآمد کیا جائے گا۔