دوہزار دس میں ہانگ کانگ میں سپر سکسز کے دوران نیوزی لینڈ کے کھلاڑی ڈیریل ٹفی، ناتھن میک کولم اور سکاٹ سٹائرس سے بکیز کے رابطہ کرنے کا انکشاف ہوا ہے۔ بکی نیوزی لینڈ کے تینوں کھلاڑیوں سے ہانگ کانگ کے ایک ہوٹل میں ملا جہاں اس نے انہیں رقم کی پیشکش کی گئی۔ یہ اطلاعات منظر عام پر آنے کے بعد آئی سی سی کے کرپشن یونٹ نے کھلاڑیوں سے پوچھ گچھ بھی کی۔ نیوزی لینڈ پلئیرز ایسوسی ایشن کے چیف ایگزیکٹو آفیسر ہیتھ ملز کا کہنا ہے مشکوک شخص سے ملاقات کھلاڑیوں کے لیے پریشان کن ہے اس لیے آئی سی سی کو اعتماد میں لیا گیا۔