اسلام آباد میں ہونے والے اس اجلاس میں موجودہ سیاسی ومعاشی صورتحال، حالیہ آل پارٹیز کانفرنس میں ہونے والے فیصلوں پرعملدرآمد،بجلی کے بحران اورپٹرول کی قیمتوں میں اضافے سمیت سندھ اور بلوچستان میں سیلاب متاثرین کے لئے جاری امدادی کارروائیوں پرغورکیا جائے گا۔ ذرائع کے مطابق اجلاس میں پارٹی کی مستقبل کی سیاسی حکمت عملی پر بھی غورہوگا۔

اجلاس قائم مقام ڈپٹی سپیکر فیصل کریم کنڈی کی زیر صدارت پارلیمنٹ ہاؤس میں شام چار بجےشروع ہو گا۔ارکان پاکستان کو ملنے والی امریکی دھمکیوں اور اے پی سی کی قراردادوں پر اظہار خیال کریں گے ۔اجلاس میں سندھ میں سیلاب متاثرین کو درپیش مشکلات، امن و امان ،کراچی کی صورتحال ،مہنگائی اور لوڈ شیڈنگ کے مسائل بھی زیر بحث آئیں گے ۔قومی اسمبلی کے اجلاس سے قبل ہاؤس بزنس ایڈوائزری کمیٹی کا اجلاس بھی ہو گا۔

لاہورسمیت پنجاب کے مختلف شہروں میں ڈینگی کی شدت برقرار ہے اور آج صبح مزید تین افراد کی ہلاکتوں کے بعد گزشتہ چوبیس گھنٹوں کے دوران مرنے والوں کی تعدادبارہ ہوگئی ہے جبکہ مجموعی طور پر اب تک ایک سو سینتیس افراد ڈینگی کا شکار بن چکے ہیں۔ آج گنگا رام میں زیرعلاج ساندہ روڈکا رہائشی پچپن پیسنٹھ سالہ خورشید اورجی اورآرٹو کا رہائشی نوجوان سلیم دم توڑ گیاجبکہ میوہسپتال میں گوجرانولہ کی رہائشی خاتون سروربی بی بھی چل بسی۔ دوسری جانب مرض کی شدت کے باعث ہسپتالوں میں مریضوں کی تعداد میں بھی مسلسل اضافہ