لاہور کے علاقے اقبال ٹاؤن میں عوامی مسلم لیگ کے دفتر کے افتتاح کے بعد کارکنوں سے خطاب کرتے ہوئے شیخ رشید احمد کا کہنا تھا کہ پوری دنیا پاکستان کے بارے میں سوچ رہی ہے لیکن ہمارے حکمران خواب خرگوش کے مزےلے رہے ہیں، ایرانی صدر کے بعد سوڈان کے سربراہ نے بھی پاکستان کے ایٹمی اثاثوں کے حوالے سے خدشات کا اظہار کیا ہے لیکن امریکی ایجنڈے کی تکمیل میں مصروف حکومت ٹس سے مس نہیں ہوئی جبکہ اپوزیشن بھی فوج کی تذلیل میں مصروف ہے اور دونوں ہی مفاہمت کے بجائے مفادات کی سیاست کر رہے ہیں شیخ رشید احمد کا کہنا تھا کہ

قومی اسمبلی کا اجلاس ڈپٹی سپیکرفیصل کریم کنڈی کی زیرصدارت ہوا، اجلاس میں نکتہ اعتراض پر اظہار خیال کرتے ہوئے چودھری نثار نے کہا کہ ایبٹ آباد آپریشن اتنا بڑا واقعہ ہے کہ اس پر چھپ چھپائی نہیں ہونی چاہیئے، انہوں نے کہا کہ میڈیا کو ان کیمرہ اجلاس کی کوریج کی اجازت ہونی چاہئیے یا کم از کم عوامی دلچسپی کے حصے میڈیا کو ضرور جاری کئے جائیں، انہوں نے واضح کیا کہ جو بریفننگ دینے آرہے ہیں انہیں بتا دیا جائے کہ وہ پارلیمنٹ کے مشترکہ اجلاس کے سامنے پیش ہونے آرہے ہیں نہ کہ پارلیمنٹ ان کے سامنے پیش ہو رہی ہے۔

الیکشن کمیشن آف پاکستان نے ارکان پارلیمنٹ کے گوشوارے جمع کرانے کی آخری تاریخ تیس ستمبرمقررکی تھی۔ تاہم مقررہ تاریخ تک پچاس فیصد اراکان پارلیمنٹ نے اپنے اثاثوں کی تفصیلات الیکشن کمیشن کو فراہم نہیں کیں۔ وزیراعظم سید یوسف رضا گیلانی ، وزراء قمرزمان کائرہ، چوہدری احمد مختار، صمصام بخاری، حنا ربانی کھراور میاں منظوراحمد وٹو کے علاوہ اپوزیشن کے چوہدری شجاعت حسین، چوہدری پرویز الٰہی سمیت کئی ارکان پارلیمنٹ نے اپنے گوشوارے جمع نہیں کرائے۔ آئین کے تحت ارکان پارلیمنٹ کو اثاثوں کے گوشوارے