پولیس حکام کی ہدایت پر کراچی میں جاری مہم کے دوران اسی مفرور اور اشتہاری ملزمان کو گرفتار کیا گیا ۔ گرفتار ہونے والوں میں جعلسازی کے ذریعے لوگوں کو لوٹنے والے یٰسین عرف تھلے والا ، اصغر ، عبدالغفاراور حسن موٹا بھی شامل ہیں۔ پولیس نے دعوٰی کیا ہے کہ ملزمان کے قبضے سے پولیس نے غیر قانونی اسلحہ ، منشیات اور غیر قانونی اشیاء بھی برآمد کی ہیں۔ پولیس کا دعوٰی ہے کے گرفتار ملزمان میں بیشتر پولیس کو مطلوب تھے جبکہ ایک درجن سے زائد ملزمان کو کراچی کی مختلف عدالتیں اشتہاری بھی قرار دے چکی ہیں۔