لاہور ہائیکورٹ راولپنڈی بینچ نے دہشتگردی کے مقدمے میں پانچ مجرموں کی سزائے موت پر عملدرآمد روک دیا فریقین کو نوٹسز جاری کرتے ہوئے دو ہفتوں میں جواب طلب کر لیا گیا ہے

خبریں ماخذ  |  خبر نگار
لاہور ہائیکورٹ راولپنڈی بینچ نے دہشتگردی کے مقدمے میں پانچ مجرموں کی سزائے موت پر عملدرآمد روک دیا فریقین کو نوٹسز جاری کرتے ہوئے دو ہفتوں میں جواب طلب کر لیا گیا ہے

لاہور ہائیکورٹ راولپنڈی بینچ کے جسٹس ارشد تبسم نے پانچ مجرموں کے ورثاء کی جانب سے دائر درخواست کی سماعت کی۔ مجرمان میں احسان عظیم، عمر ندیم، آصف ادریس، کامران اسلم اور عامر یوسف شامل ہیں جو کوٹ لکھپت جیل لاہور میں قید ہیں ۔ درخواست میں موقف اختیار کیا گیا ہے کہ فوجی عدالت نے پانچ مجرموں کو سزائے موت سنائی لیکن یہ نہیں بتایا کہ انہیں کس الزام کے تحت سزا دی گئی ہے۔ فوجی عدالت کی جانب سے سزا کے بعد اپیل کا بھی حق نہیں دیا گیا۔  عدالت عالیہ نے پانچوں مجرموں کی سزائے موت پر عملدرآمد روکتے ہوئے فریقین کو نوٹس جاری کر کے دو ہفتوں میں جواب طلب کر لیا۔۔