ملک کےبیشترعلاقوں میں موسم سرد اورخشک رہنے کا امکان ہے، ابر برسانے والے بادل چلے گئے، پہاڑوں پر برف باری کا سلسلہ جاری رہے گا

ملک کےبیشترعلاقوں میں موسم سرد اورخشک رہنے کا امکان ہے، ابر برسانے والے بادل چلے گئے، پہاڑوں پر برف باری کا سلسلہ جاری رہے گا

اسلا٘م آباد میں نیلے آسمان ،  ہلکی تمازت ، سرد ہواؤں کے امتزاج اور سڑکوں کے اطراف لگے ، دو رویہ سبزے اور ہرے بھرے درختوں نے شہر اقتدار کے موسم کو دلکش بنا رکھا ہے ۔ راولپنڈی میں مطلع صاف دن روشن اور چمکدار ہے تاہم سرد ہواؤں کے باعث موسم خاصی حد تک سرد ہے ۔ باغوں کے شہر لاہور میں بھی سورج پوری آب و تاب کے ساتھ چمک رہا ہے ۔ ملتان میں آج صبح بھی دھند چھائی رہیجس سے معمولات زندگی متاثر ہوئے ۔ کوئٹہ سمیت صوبے کے بالائی علاقوں میں موسم سرد اور خشک ہے ، بیشتر علاقوں میں درجہ حرارت نقطہ انجماد سے نیچےگر گیا ۔ کوئٹہ میں سردی کے باعث پانی جم گیا اور معاملات زندگی متاثر ہوئے ۔ محکمہ موسمیات نے آئندہ چوبیس گھنٹوں کے دوران شمالی بلوچستان اور سندھ سمیت ملک کے بالائی علاقوں میں سردی کی شدت میں اضافےکی پیشگوئی کی ہے۔