پاکستان مسلم لیگ (ن )کے سینئر رہنما چوہدری نثار نے کہا ہے کہ پاکستان کی تاریخ کے انتہائی اہم موڑ پر ہمیں جوش سے زیادہ ہوش سے کام لینا ہوگا، مسلم لیگ (ن )کو خود بھی بے یقینی کے ماحول سے نکلنا ہوگا اور ملک کو بھی اس کیفیت سے نکالنا ہوگا، گوں مگوں کی پالیسی کسی کے مفاد میں نہیں۔ تقریب سے خطاب کرتے ہوئے سابق وزیر داخلہ نے کہا بار بار کہا جاتا ہے کہ ہم اداروںسے تصادم کی پالیسی پر عمل پیرا نہیں مگر ہمارے بیانات ایک محاذ آرائی اور تصادم کی کیفیت پیدا کر رہے ہیں، یہ صورتحال کسی بھی حوالے سے ملکی مفاد میں نہیں۔ میں نے بارہا کہا تھا اگر ایک عدالت کے فیصلے پر اطمینان نہیں تو دوسری عدالت سے انصاف مل سکتا ہے، حدیبیہ کیس کے فیصلے کے بعد کیا یہ بات صحیح ثابت نہیں ہوئی۔ مجھے نہیں معلوم کہ حدیبیہ کیس پر اعلیٰ عدلیہ کے فیصلے پر ہم کیا کہیں گے، پاکستان کی تاریخ کے انتہائی اہم موڑ پر ہمیں جوش سے زیادہ ہوش سے کام لینا ہوگا اور قوم کو ایک مثبت اور پر امید راستے پر لگانا ہوگا۔ مزید ازاںچوہدری نثار نے چکری روڈ کشادگی و بحالی کے منصوبے کا بھی افتتاح کیا۔
بول کہ لب آزاد ہیں تیرے … یاد نہیں دلائوں گا
Mar 18, 2024