ڈپٹی چیئرمین پلاننگ کمشن سرتاج عزیز نے کہا ہے کہ اقتصادی تعاون تنظیم تمام ممبر ریاستوں کے درمیان باہمی روابط اور تعاون کا اہم ذریعہ ہے،ممبر ریاستوں نے مل کر بین الاقوامی مسائل کا سد باب کرنا ہے،ٹیکنالوجی کے موثر استعمال سے تجارت دو سے تین سالوں میں دگنی ہو جائے گی، ای سی او ممالک قدرتی وسائل سے مالا مال اور اقتصادی مرکزی زون بننے کی صلاحیت رکھتے ہیں۔ اقتصادی تعاون تنظیم کے نمائندہ ممالک کے ترقیاتی کونسل اجلاس کے آخری روز اختتامی سیشن سے خطاب کرتے انہوں نے کہا اقتصادی تعاون کی تنظیم میں شریک رکن ممالک کے نمائندوں اور مندوبین کو پاکستان میں خوش آمدید کہتے ہیں انہوں نے کہا اقتصادی تعاون کی تنظیم تمام ممبر ریاستوں کے درمیان باہمی روابط اور تعاون کا اہم ذریعہ ہے۔ حالیہ اجلاس عالمی اقتصادی و معاشی تناظر میں ایک اہم سنگ میل کی حیثیت رکھتا ہے۔ریجنل پلاننگ کونسل کا اجلاس اسلام آباد ڈکلریشن کی وجہ سے بھی نہایت اہمیت کا حامل ہے۔ ہمیں اس اجلاس کے دوران تعاون کی نئی راہیں تلاش کرنا ہے۔ باہمی تجارت کے فروغ کے لئے ریل ، روڈز ، بندر گاہوں کے ساتھ ساتھ جدید ٹیکنالوجی اور سائبر روابط کا استعمال بھی نہایت ضروری ہے۔ٹیکنالوجی کے موثر استعمال سے تجارت دو سے تین سالوں میں دگنی ہو جائے گی۔ تیرہویں ای سی او سربراہی کانفرنس میں علاقائی امن اور ترقی کو سب سے زیادہ اہمیت دی گئی ہے، جو دور جدید کی ایک اہم ضرورت ہے۔ سرتاج عزیز نے کہا باہمی تعاون اور تجارت کے فروغ کے لیے تمام ممبر ریاستیں متفق ہیں۔ ممبر ریاستوں نے مل کر بین الاقوامی مسائل کا سد باب کرنا ہے۔ اب یہ ہماری مشترکہ ذمہ داری ہے کہ ان تمام مقاصد کو حاصل کریں جو کہ روز اول سے اقتصادی تعاون تنظیم کے بنیادی فریم ورک میں شامل ہیں۔ انہوں نے کہا ضرورت اس بات کی ہے ایسے اقدامات کیے جائیں جن سے مختلف سطح پر رکن ممالک کے عوام کے مابین رابطوں اور تعاون کو بھی بڑھایا جائے۔ ای سی او ایک ایسا بلاگ ہے جو جغرافیائی لحاظ سے مغرب اور جنوبی ایشیا سب کو یکجا کرتا ہے۔ ای سی او ممالک نہ صرف قدرتی وسائل سے مالا مال ہے بلکہ اقتصادی مرکزی زون بننے کی صلاحیت رکھتا ہے۔ سرتاج عزیز نے کہا پائیدار قومی اقتصادی ترقی کے اہداف کے حصول کی خاطر بھی تمام رکن ممالک کے مابین علاقائی اور بین الاقوامی سطح پر تعاون کو بڑھانے کی ضرورت ہے۔ اس موقع پر سیکرٹری جنرل ای سی او خلیل ابراہیم نے تقریب سے خطاب کرتے ہوئے ڈپٹی چیئرمین پلاننگ کمشن سرتاج عزیز کی جانب سے اس اجلاس کے کامیاب انعقاد کو یقینی بنانے پر شکریہ ادا کیا اور کہا اقتصادی تعاون کے سالانہ اجلاس میں باہمی تعاون کے مختلف پہلووں پر غور کیا جاتا ہے اور مستقبل کے لیے جامع منصوبہ بندی کی جاتی ہے۔ ای سی او سربراہی کانفرنس میں ای سی او کے و ژن 2025 کے تحت نئی راہوں اور مختلف پروگراموں کو اپنایا گیا جس میں صنعت و تجارت، توانائی، مواصلات اور سائبر لنکز پر مشترکہ حکمت عملی تشکیل دی گئی ہے
بول کہ لب آزاد ہیں تیرے … یاد نہیں دلائوں گا
Mar 18, 2024