رینالہ، شادی کے 8 سال بعد جڑواں بچوں کی پیدائش، ماں، ایک بیٹا دم توڑ گیا، صدمے سے نانی بھی چل بسی

رینالہ خورد(نمائندہ خصوصی) شادی کے 8 سال بعد خاتون کے ہا ں جڑواں بیٹوں کی پیدائش کے موقع پر ہی ماں اور ایک بیٹا جاں بحق ہوگیا جبکہ شدت غم سے اسی روز بچوں کی نانی بھی چل بسی۔ ایک گھر سے تین جنازے اٹھنے پر کہرام مچ گیا۔ تفصیلات کے مطابق نواحی گاو¿ں کے بشیر احمد سے حنیفاں بی بی کی شادی ہوئی جس کے بطن سے گذشتہ روز نارمل ڈلیوری کے ذریعے صحت مند دو بیٹے پیدا ہوئے۔ پیدائش کے فوری بعد ہی حنیفاں بی بی اور اس کا بیٹا یکے بعد دیگرے وفات پاگئے۔ اطلاع پر بچوں کی نانی کو دل کا دورہ پڑ گیا اور وہ بھی اسی روز انتقال کر گئی۔ ایک ہی گھر سے تین جنازے نکلے تو ہر آنکھ پر نم ہو گئی۔