کالاباغ ڈیم …عبدالرحمن ارشد مالیر کو ٹلوی

ایڈیٹر  |  ڈاک ایڈیٹر

ظاہراً تو لگتا ہے دشوار کالا باغ ڈیم
بننے دیتے ہی نہیں اغیار کالا باغ ڈیم
جانے کتنے ہم وطن ہیں مر چکے اس شوق میں
کاش وہ بھی دیکھتے اے یار کالا باغ ڈیم
راحت و امن و ترقی کا نیا ایک باب ہے
ایٹمی بم سے نہیں کم یار کالا باغ ڈیم
پانچ عشروں سے ہے یارو منتظر تعمیر کا
کون کہتا ہے نہیں غمخوار کالا باغ ڈیم
قومی تعمیر و ترقی کا سہانا راز ہے
مانگتا ہے آپ سے ایثار کالا باغ ڈیم
ہندوئوں کو اس سے کچھ تکلیف ہوتی ہے تو کیا
دشمنوں کے حق میں ہے تلوار کالا باغ ڈیم
ارشد نادار کی اب تو یہی ہے اک دعا
یا خدا جلدی بنے شہکار کالا باغ ڈیم