بجٹ آرہا ہے……(چوہدری عبدالخالق)

ایڈیٹر  |  ڈاک ایڈیٹر
بجٹ آرہا ہے……(چوہدری عبدالخالق)

سنبھل  جاؤ   ہمدم   بجٹ آ رہا ہے
ہوئیں سانسیں  مدھم   بجٹ آ رہا ہے
یہ چیزوں کی قیمت بڑھانے کے دن ہیں
تیرے  صبر کو  آزمانے  کے  دن ہیں
کرو   نہ  کوئی   غم   بجٹ آ  رہا ہے
ابھی  تیرا   خون   نچوڑیں  گے  بھیا
تیری جان لے کر ہی  چھوڑیں گے بھیا
ابھی تجھ  میں  ہے  دم  بجٹ آ  رہا ہے
ہندسوں کی ہوتی ہے   یوں ہیرا پھیری
بڑے پیار  سے کھال  اترے گی تیری
پھٹیں   گے  کئی  بم  بجٹ آ  رہا ہے
یہ ایسی  بلا  ہے  کبھی  نہ  ٹلے  گی
لہر اک  گرانی  کی  ایسی  چلے  گی
یہ  کہتا  ہے  موسم  بجٹ آ  رہا ہے