تین جے ایف 17 تھنڈر طیارے پیرس ائر شو میں شرکت کیلئے روانہ ہوگئے

تین جے ایف 17 تھنڈر طیارے پیرس ائر شو میں شرکت کیلئے روانہ ہوگئے

لاہور (خبرنگار) پاک فضائیہ کے تین جے ایف 17تھنڈر طیاروں ، پائلٹس اور تکنیکی معاونین پر مشتمل ایک دستہ پی اے ایف کے ایک آپریشنل ائیر بیس سے پیرس ائیر شو میں شرکت کیلئے روانہ ہوگیا۔51واں ائیر شو فرنچ ائیر و سپیس انڈسٹریز ایسوسی ایشن کے تعاون سے 15 سے21 جون تک لابورج پارک ڈیس ایکسپوزیشن پر منعقد ہو گا۔ایک JF-17 طیارہ فضائی مظاہروں میں شرکت کرے گا جبکہ دوسرا طیارہ تمام ہتھیاروں سے لیس زمین پر شائقین کے لیے مرکز نگاہ رہے گا۔ JF-17 تھنڈر طیارہ اس سے پہلے دنیا کی کئی مشہور فضائی نمائشوں میں شرکت کر چکا ہے۔