متحدہ کے ایم پی اے ساجد قریشی، ان کے بیٹے کے قتل میں ملوث افراد سے تحقیقات مکمل

متحدہ کے ایم پی اے ساجد قریشی، ان کے بیٹے کے قتل میں ملوث افراد سے تحقیقات مکمل

کراچی (این این آئی)کراچی میں ایم کیو ایم کے رکن سندھ اسمبلی ساجد قریشی اور ان کے بیٹے کے قتل میں ملوث ملزموں سے تحقیقات مکمل کر لی گئیں۔ مشترکہ تفتیشی ٹیم کی رپورٹ کے مطابق گرفتار ملزم کاظم شاہ، طلحہ، عاصم، شہاب اور عبید انتہائی خطرناک دہشت گرد ہیں جن کا تعلق لشکر جھنگوی سے ہے۔ ملزموں نے انکشاف کیا کہ ساجد قریشی پر فائرنگ کے دوران انکے بیٹے وقاص نے مزاحمت کی جس پر اسے گولیاں ماری گئیں۔ ملزموں نے بتایا کہ شہر میں ٹارگٹ کلنگ کیلئے 3 ٹیمیں کام کر رہی ہیں جن کو مختلف علاقے دئیے گئے ہیں۔ ایک ٹیم کا سربراہ شیری، دوسری کا فیضان عطاری اور تیسری کا عاصم ہے۔ دوران تفتیش ملزموں کا کہنا تھا کہ پروفیسر سبط جعفر زیدی کو قتل کرنے کیلئے دوبار پلاننگ کی گئی۔ تفتیشی رپورٹ کے مطابق تمام ملزموں کو کالعدم تنظیم کی جانب سے پانچ ہزار روپے ماہانہ وظیفہ بھی دیا جاتا ہے۔
ساجد قریشی/ تحقیقات