ٹڈاپ سکینڈل : امین فہیم کے فرنٹ مین فرحان جونیجو کیخلاف سوئٹزر لینڈ میں تحقیقات شروع

ٹڈاپ سکینڈل : امین فہیم کے فرنٹ مین فرحان جونیجو  کیخلاف سوئٹزر لینڈ میں تحقیقات شروع

کراچی(آن لائن)ٹریڈ ڈویلپمنٹ اتھارٹی میں تقریبا 7 ارب روپے کے مالی اسکینڈل کے اہم کردار  فرحان احمد جونیجو کیخلاف منی لانڈرنگ کے الزامات کے تحت سوئٹزرلینڈ میں تحقیقات شروع کردی گئی ہیں۔ایف آئی اے نے سابق وفاقی وزیر تجارت کے ڈائریکٹر فرحان جونیجو کیخلاف سوئس بنکوں میں منتقل ہونیوالی رقم کے غیر قانونی ہونے کے ثبوت سوئس حکومت کو فراہم کر دیئے، فرحان احمد نے 25کروڑ روپے بیرون ملک منتقل کئے تفصیلات کے مطابق ایف آئی اے کرائم سرکل کراچی نے ستمبر 2012 میں ٹریڈ ڈویلپمنٹ اتھارٹی آف پاکستان میں مالی بے قاعدگیوں کی تحقیقات کا آغاز کیا تھااور تحقیقات کی روشنی میں گذشتہ ڈیڑھ سال کے دوران 65 سے زائد مقدمات درج کیے جاچکے ہیں جن میں سابق وزیراعظم یوسف رضا گیلانی،سابق وفاقی وزیرتجارت مخدوم امین فہیم سمیت ٹریڈ ڈیولپمنٹ اتھارٹی کے درجنوں اعلی افسران و ملازمین سمیت متعدد افرادکونامزد اور گرفتار کیاجاچکاہے۔تحقیقات کے دوران معلوم ہوا کہ   سابق وزیرتحارت کے ڈائریکٹر فرحان احمد جونیجو کوتمام قواعد و ضوابط کو نظر انداز کرتے ہوئے مخدوم امین فہیم کی خصوصی ہدایات پر ڈیپوٹیشن پر وفاقی وزیر کے ڈائریکٹر کے عہدے پر تعینات کیا گیا۔اور اسکی تعیناتی کے فورا بعد ٹریڈ ڈویلپمنٹ اتھارٹی کی مختلف اسکیموں میں بڑے پیمانے پر کرپشن کا عمل شروع کیا گیا،اورفرحان احمد جونیجو نے مخدوم امین فہیم کے فرنٹ کا کردار ادا کرتے ہوئے اکتوبر2009 سے جولائی 2012 تک 5 ارب روپے مختلف سبسڈیز کی مد میں کاغذی کمپنیوں کو جعلی ایکسپورٹ دستاویزات کے بنیاد پرتقسیم کیے جس سے میں سے تقریباً 80 فیصد رقم انھوں نے مبینہ طور پررشوت وصول کی،فرحان جونیجو نے متعدد بے نامی فارن کرنسی اکائونٹس کے ذریعے تقریباً 25 کروڑ روپے بیرون ملک موجود اپنے اور اپنے اہل خانہ کے مختلف بینک اکائونٹس میں منتقل کی۔