متحدہ رہنما عامر خان کو 25 جون تک ریمانڈ پر جیل بھیج دیا گیا‘ بی کلاس دینے کا حکم

متحدہ رہنما عامر خان کو 25 جون تک ریمانڈ پر جیل بھیج دیا گیا‘ بی کلاس دینے کا حکم

کراچی (نوائے وقت نیوز) انسداد دہشت گردی عدالت کراچی نے ایم کیو ایم کے رہنما عامر خان کو 25 جون تک عدالتی ریمانڈ پر جیل بھیج دیا اور جیل میں بی کلاس دینے کا حکم دیا ہے۔ پولیس نے ایم کیو ایم کے رہنما عامر خان کو نائن زیرو سے گرفتار افراد کو پناہ دینے کے کیس میں انسداد دہشت گردی کی عدالت پیش کیا۔ اس موقع پر سکیورٹی کے سخت انتظامات کئے گئے تھے۔ تفتیشی افسر نے عامر خان کے ریمانڈ میں توسیع کی استدعا کی۔ عدالت نے عامر خان کو عدالتی ریمانڈ پر جیل بھیج دیا اور ہدایت کی کہ 25 جون کو عامر خان کو دوبارہ عدالت میں پیش کیا جائے اور پولیس بروقت مقدمے کا چالان پیش کرے۔ عدالت نے عامر خان کو جیل میں بی کلاس دینے کا بھی حکم دیا۔