بھارت کے سر پر چوہدراہٹ کا بھوت سوار ہے اور اس کے توسیع پسندانہ عزائم خطے کے امن و سلامتی کے لئے خطرہ ہیں
اسلام آباد (آن لائن‘این این آئی)پاکستان نے کہا ہے کہ بھارت کے سر پر چوہدراہٹ کا بھوت سوار ہے اور اس کے توسیع پسندانہ عزائم خطے کے امن و سلامتی کے لئے خطرہ ہیں، مقبوضہ کشمیر میں بھی انسانی حقوق کی سنگین خلاف ورزیاں ہورہی ہیں ، گزشتہ ہفتے مزید 4 کشمیریوں کو شہید کردیا گیا،کلبھوشن کی والدہ اور اہلیہ کو 25 دسمبر کو بھیجا جارہا ہے، ملاقات سے متعلق دیگر معاملات طے کئے جارہے ہیں۔ پاکستان نے امن کے لئے جتنی قربانیاں دی ہیں کسی نے نہیں دیں۔ترجمان دفتر خارجہ ڈاکٹر فیصل نے دفتر خارجہ میں ہفتہ وار پریس بریفنگ کے دوران کہاکہ بھارت نے رواں برس 1300 سے زائد مرتبہ فائربندی معاہدے کی خلاف ورزی کرتے ہوئے 54 بے گناہ پاکستانی شہریوں کو شہید کیا جبکہ 182 افراد زخمی بھی ہوئے۔پاکستان نے بھارتی ڈپٹی ہائی کمشنر کو متعدد بار ایل او سی پر فائربندی معاہدے کی خلاف ورزی پر طلب کیا اور اپنا احتجاج ریکارڈ کرایا۔بھارت مقبوضہ کشمیر میں بھی انسانی حقوق کی سنگین خلاف ورزیاں کررہا ہے، گزشتہ ہفتے مزید 4 کشمیریوں کو شہید کردیا گیا جبکہ علی گیلانی اور یاسین ملک سمیت دیگر حریت رہنما¶ں کو حراست میں رکھا گیا ہے جس کی ہم شدید الفاظ میں مذمت کرتے ہیں۔ ترجمان کہا بھارت کے سر پر خطے کی چوہدراہٹ کا بھوت سوار ہے اور بھارتی عزائم خطے کے امن و سلامتی کے لئے سنگین خطرہ ہیں۔ بھارت کی جانب سے زمین سے فضا میں مار کرنے والے میزائل کا تجربہ خطے میں اسلحے کی نئی دوڑ پیدا کردے گا۔انہوں نے کہا بھارت نے اپنے جاسوس کلبھوشن یادیو کی اہلیہ اور والدہ سے ملاقات کے حوالے سے پاکستانی پیشکش اور کلبھوشن کی والدہ اور اہلیہ کو 25 دسمبر کو بھیجا جارہا ہے۔ ملاقات سے متعلق دیگر معاملات طے کئے جارہے ہیں۔ ترجمان نے کہاکہ پاکستان نے امن کے لئے جتنی قربانیاں دی ہیں کسی نے نہیں دیں، ہمارے ہزاروں شہری اور فورسز کے جوان دہشت گردی کی جنگ میں شہید ہوچکے ہیں۔2 روز قبل بھی شمالی وزیرستان میں پاک فوج کی گاڑی پر فائرنگ کی گئی جس کے نتیجے میں سیکنڈ لیفٹیننٹ عبدالمعید اور سپاہی بشارت شہید ہوگئے، ہم شہدا کو خراج تحسین پیش کرتے ہیں اور حملے کی مذمت کرتے ہیں۔مقبوضہ بیت المقدس کے حوالے سے ترجمان دفترخارجہ نے کہا کہ او آئی سی نے القدس کو فلسطین کا دارالحکومت قرار دیا ہے اور امریکا سے مطالبہ کیا ہے کہ وہ اسے اسرائیلی دارالحکومت تسلیم کرنے کا فیصلہ واپس لے کیوں کہ امریکا کا یہ اقدام عالمی امن کے لئے خطرناک ہے۔ او آئی سی کی طرح باقی ممالک کو بھی چاہئے کہ وہ القدس کو فلسطین کا دارالحکومت تسلیم کریں۔ترجمان نے کہا کہ چین نے اقتصادی راہداری کے کسی بھی پروجیکٹ کی فنڈنگ نہیں روکی اور نا ہی ایسی کوئی اطلاع ہمارے علم میں ہے، فنڈز کا اجرا مخصوص طریقہ کار کے ذریعے ہوتا ہے۔ افغانستان میں داعش کی بڑھتی ہوئی موجودگی اور سرگرمیوں میں اضافے پر تحفظات ہیں ¾31 دسمبر کو افغان مہاجرین کے پی او آر کارڈز کی مدت ختم ہو رہی ہے۔ ترجمان دفتر خارجہ ڈاکٹر فیصل نے کہا پاکستان بھارتی الزامات کو بے بنیاد قرار دیتے ہوے ان کو سختی سے مسترد کرتا ہے۔ پاکستان بھارت کے اندرونی معاملات پر اثر انداز نہیں ہو رہا بلکہ بھارت پاکستان کے اندر مداخلت کر رہا ہے اور دہشت گردی میں ملو ث ہے، پاکستان نے عالمی عدالت انصا ف میں بھارتی جاسوس کلبھوشن کے کیس میں ایک جامع جواب جمع کرایا ہے، پاکستان بھرپور انداز سے کیس لڑے گا، پاکستان او آئی سی کے اعلامیہ پر من و عن عمل کرے گا۔
ترجمان دفتر خارجہ