یونیورسٹیوں میں لیکچرر کیلئے ایم فل‘ اسسٹنٹ پروفیسر کیلئے پی ایچ ڈی کو لازمی قرار دیدیا گیا
اسلام آباد (رستم اعجاز ستی/ نامہ نگار) جنوری 2015 سے ملک بھر کی یونیورسٹیوں میں لیکچررز کی بھرتی کیلئے بنیادی تعلیم ایم فل جبکہ جنوری 2016 سے اسسٹنٹ پروفیسرز کی بھرتی کیلئے پی ایچ ڈی کو لازمی قرار دیدیا گیا، ایچ ای سی کی جانب سے ملک بھر کی جامعات کو مراسلہ ارسال کر دیا گیا، ایچ ای سی کی جانب سے فیصلے پر سختی سے عملدرآمد کروایا جائے گا۔ ذرائع کے مطابق یہ فیصلہ کیا گیا ہے کہ جنوری 2015 سے ملک بھر کی جامعات میں لیکچررز کی بھرتی کیلئے بنیادی تعلیم ایم اے کے بجائے ایم فل ہو گی جبکہ جنوری 2016سے اسسٹنٹ پروفیسر کی بھرتی کیلئے بنیادی تعلیم ایم فل کے بجائے پی ایچ ڈی ہو گی۔ذرائع کے مطابق اسوقت لیکچرار کا عہدہ گریڈ 18جبکہ اسسٹنٹ پروفیسر کا عہدہ گریڈ19کا ہے۔ قبل ازیں لیکچرار گریڈ 17اور اسسٹنٹ پروفیسر گریڈ18میں ہوتا تھا، ایچ ای سی نے ایک گریڈ بڑھا دیا تھا۔