ڈپٹی گورنر سٹیٹ بینک کو نہیں ہٹایا گیا نگران وزیراعظم نے وزارت خزانہ کی بھیجی گئی سمری پر ابھی تک دستخط نہیں کئے

ڈپٹی گورنر سٹیٹ بینک کو نہیں ہٹایا گیا نگران وزیراعظم نے وزارت خزانہ کی بھیجی گئی سمری پر ابھی تک دستخط نہیں کئے

اسلام آباد(اے پی اے )الیکشن کمشن کی واضح ہدایات کے باوجود ڈپٹی گورنر سٹیٹ بنک کو نہیں ہٹایا گیا۔ نگران وزیراعظم نے وزارت خزانہ کی طرف سے اس سلسلے میں بھیجی گئی سمری پر تاحال دستخط نہیں کیئے۔ وزارت خزانہ کے ذرائع کے مطابق نگران وزیراعظم میر ہزار خان کھوسو کو ڈپٹی گورنر سٹیٹ بینک اشرف محمود وترا کو عہدے سے ہٹانے کے حوالے سے الیکشن کمیشن کی طرف سے دی گئی 24 گھنٹے کی ڈیڈ لائن کے بارے میں بھی بتایا گیا جسے گزرے 24 گھنٹے سے زیادہ کا وقت ہو چکا ہے تاہم اس حوالے سے وزیراعظم ہاوس سے تاحال کوئی جواب نہیں آیا۔ذرائع کا کہنا ہے کہ ڈپٹی گورنر سٹیٹ بینک کی برطرفی کا معاملہ نگران وزیر خزانہ کی تقرری نہ ہونے کی وجہ سے زیر التواءہے۔ نگران وزیر خزانہ کے لئے مختلف ناموں پر غور جاری ہے جن میں سلمان شاہ، سلمان صدیق، رضی الرحمان اور عبداللہ یوسف شامل ہیں۔
ڈپٹی گورنر سٹیٹ بنک