عراق: داعش کا امریکی فوجی اڈے پر حملہ ناکام بنا دیا گیا

بغداد( آن لائن )القاعدہ کی حامی شدت پسند تنظیم داعش نے عراقی صوبہ الانبار میں امریکی فوجی اڈے پر حملہ کیا۔ جسے ناکام بنا دیا گیا۔ خلیجی میڈیا کے مطابق داعش جنگجوؤں نے عراقی صوبہ الانبار میں جس فوجی اڈے کو نشانہ بنایا وہ امریکی اور عراقی فورسز کے زیر استعمال ہے۔ حملے کے وقت فوجی اڈے پر امریکی فوجی مشیر بھی موجود تھے۔ جو عراقی فورسز کو تربیت دینے کیلئے امریکا نے بھیجے تھے۔ عراقی اور امریکی فورسز نے داعش کے حملے کا بھرپور جواب دیا۔ آپریشن میں داعش کے غیرملکی کمانڈر سمیت کئی جنگجو مارے گئے۔ آپریشن میں امریکی اور اتحادی ممالک کی فضائیہ نے بھی حصہ لیا۔