ورزش کے دوران موبائل فون کے استعمال سے ورزش کی شدت میں کمی واقع ہو سکتی ہے، امریکی ماہرین

واشنگٹن (اے پی پی) امریکی ماہرین نے کہا ہے کہ ورزش کے دوران موبائل فون کے استعمال سے ورزش کی شدت میں کمی واقع ہو سکتی ہے جس کے نتیجہ میں ورزش کے مطلوبہ ثمرات یا فوائد حاصل نہیں ہو سکتے۔ کینٹ سٹیٹ یونیورسٹی کے محقیقین کی شائع شدہ رپورٹ میں بتایا گیا ہے کہ 44طلباء کے گروپوں نے 30منٹ کی ورزش میں حصہ لیا، محقق جیکب یارکلے نے بتایا کہ ماہرین نے ورزش کے دوران ان طلباء پر موسیقی سننے، کسی سے بات چیت کرنے، ورزش کے ساتھ ساتھ ایس ایم ایس میسج تحریر کرنے اور چیٹنگ جیسے اثرات کا جائزہ لیا جس سے معلوم ہوا کہ موبائل فون کے استعمال سے ان کی ورزش کی استعداد کار میں رکاوٹ پیدا ہوئی اور ورزش کا دورانیہ اور ورزش کی شدت میں کمی آئی جس پر ماہرین نے دوران ورزش موبائل فون کے استعمال سے گریز کرنے کا مشورہ دیا ہے۔