امریکہ میں نابالغوں کیلئے مختص اصلاحی مراکز میں جنسی استحصال جاری

واشنگٹن (آن لائن )امریکی محکمہ انصاف کا کہنا ہے کہ ملک کے نابالغوں کے لیے مختص اصلاحی مراکز میں بھی جنسی استحصال کے واقعات جاری ہیں اور اس جرم میں وہاں کام کرنے والی خواتین شامل ہیں۔ان مراکز میں ہونے والے جنسی استحصال کے90 فیصد واقعات میں پایا گیا کہ خواتین ملازمین نے اپنی نگرانی میں رہنے والے نوعمر لڑکوں یعنی اٹھارہ سال سے کم عمر کے لڑکوں کو نشانہ بنایا ۔بر طانو ی نشریا تی ادارے کے مطابق محکمہ انصاف کی طرف سے جاری اس رپورٹ نے اس شعبے میں کام کرنے والوں کے درمیان ایک بحث چھیڑ دی ہے۔