حماس کو جنگ بندی کیلئے تیار رہنا چاہئے بھارت نے بھی ز ہر اُگل دیا، لوک سبھا میں مظالم پر بحث کی قرارداد مسترد

حماس کو جنگ بندی کیلئے تیار رہنا چاہئے بھارت نے بھی ز ہر اُگل دیا، لوک سبھا میں مظالم پر بحث کی قرارداد مسترد

نئی دہلی (این این آئی) بھارت نے غزہ میں جاری اسرائیلی جارحیت کی مذمت سے انکارکرتے ہوئے کہا ہے کہ انکے فریقین کے ساتھ اچھے تعلقات ہیں۔ بھارتی میڈیاکے مطابق لوک سبھا میں حزب اختلاف کی جماعتوں نے غزہ کی صورتحال پر ایک قرارداد منظور کرنے کیلئے حکومت سے بحث کا مطالبہ کیا جس پر حکومت نے موقف اختیارکیاکہ غزہ کی صورتحال پر بحث ملک کے مفاد میں نہیں ہے تاہم بعدازاں سپیکر کی مداخلت سے ایوان میں بحث شروع ہوگئی لیکن حکومت نے کسی طرح کی قرارداد پاس کرنے سے صاف انکار کرتے ہوئے کہاکہ حماس کو جنگ بندی کیلئے تیار ہونا چاہئے۔ اس موقع پر بھارتی وزیرخارجہ سشما سوراج نے کہاکہ انکی حکومت فلسطینی کاز کی حمایت کرتی ہے اور اسرائیل بھارت کا ایک قریبی دوست ہے۔
بھارت/ زہر