مزاحمت کاروں سے مذاکرات بلوچستان حکومت کا رواں ماہ کے آخر میں اے پی سی بلانے کا فیصلہ

کوئٹہ (نوائے وقت رپورٹ) بلوچستان حکومت نے مزاحمت کاروں سے مذاکرات کیلئے آل پارٹیز کانفرنس بلانے کا فیصلہ کر لیا۔ وزیراعلی بلوچستان عبدالمالک  بلوچ کا کہنا ہے مذاکرات کے لئے رواں ماہ کے آخر میں اے پی سی کا انعقاد کیا جا رہا ہے۔ مزاحمت کاروں سے بات چیت کا کام مشکل ضرور ہے ناممکن نہیں۔ اے پی سی میں مزاحمت کاروں سے مذاکرات کا طریقہ کار طے کیا جائے گا۔