بیت المقدس مسلمانوں کا قبلہ اول اور تیسرا حرم شریف ہے:امام کعبہ
مکہ مکرمہ(این این آئی) حرمین شریفین انتظامیہ کے سربراہ اور حرم مکی شریف کے امام وخطیب شیخ ڈاکٹر عبد الرحمن السدیس نے کہا ہے کہ بیت المقدس عرب اور اسلامی شہر ہے اور یہی اس کی شناخت باقی رہے گی۔عرب ٹی وی کے مطابق انہوں نے حرمین شریفین کے علماء کی نمائندگی کرتے ہوئے کہا کہ بیت المقدس مسلمانوں کا قبلہ اول اور تیسرا حرم شریف ہے ۔ یہ رسول اکرم کی جائے اسراء بھی ہے۔مسئلہ فلسطین اور بیت المقدس کے حوالے سے سعودی عرب کا اصولی موقف ہے۔ بانی مملکت شاہ عبد العزیز سے لے کر خادم حرمین شریفین شاہ سلمان بن عبد العزیز تک مملکت کے تمام فرمانرواو?ں نے قضیہ قدس کی حمایت کی ہے۔