گرانفروشی جاری، پھل اور سبزیاں مقررہ ریٹ سے 35 روپے زائد میں فروخت
لاہور (کامرس رپورٹر) صوبائی دارالحکومت میں ہفتے کے روز پرچون سطح پر علامہ اقبال ٹاﺅن، سمن آباد، اچھرہ، مزنگ، اندرون شہر، گلبرگ، ماڈل ٹاﺅن، ایجوکیٹن ٹاﺅن سمیت دیگر علاقوں میں سبزیوں اور پھلوں کی گراں فروشی جاری رہی۔ صارفین کے مطابق دکانداروں نے انکو سبزیاں اور پھل مقررہ نرخوں سے 10 روپے سے لیکر 35 روپے سے بھی زائد میں فروخت کئے۔ سبزیوں میں ایک کلو آلو نیا کی قیمت 53 روپے مقرر کی گئی لیکن دکاندار اسے70 روپے تک فروخت کرتے رہے۔ پیاز 22 کی بجائے 32 روپے، ٹماٹر 37 روپے کی بجائے 45، لہسن دیسی 136 کی بجائے 165 روپے، ادرک تھائی لینڈ162 روپے کی بجائے 220 روپے، پالک16 کی بجائے 21 روپے، کھیرا 53 کی بجائے 65 روپے، کریلے 64 کی بجائے 75 روپے، لیموں چائنہ 66 کی بجائے 90 روپے، پھلیاں44 روپے کی بجائے 65 روپے، بند گوسھی 40 کی بجائے 60 روپے، پھول گوبھی 32 کی بجائے 52 روپے،شملہ مرچ 106 کی بجائے 120 روپے، اروی 53 کی بجائے 60 روپے، گھیا کدو 21 کی بجائے 32 روپے، گھیا توری 53 کی بجائے 62 روپے، مٹر 126 کی بجائے 165 روپے، مولی 16 کی بجائے 21 روپے، بھنڈی 48 کی بجائے 55 روپے، پھلوں میں سیب کالا کولو اول 120 کی بجائے 135 روپے، اناربدانہ 228 کی بجائے 270 روپے، انار قندھاری 168روپے کی بجائے 210روپے ، کیلا اول درجن 64روپے کی بجائے 90 روپے، انگور سندرخانی214 کی بجائے 275 روپے، انگورٹافی ایرانی 181 کی بجائے 235 روپے، مسمی 92 کی بجائے 120 روپے، جاپانی پھل 47کی بجائے 65 روپے، فروٹر 69 کی بجائے 85 روپے میں فروخت ہوا۔
پھل سبزیاں زائد قیمتیں