حکمرانوں کی غلط پالیسیوں کے باعث معیشت تباہ ہو گئی: کسان بورڈ
لاہور ( نیوز رپورٹر) کسان بورڈ پاکستان کے صدر صادق خاں خاکوانی اور کسان راج تحریک کے چیرمین ارسلان خاں خاکوانی نے کہا ہے کہ گذشتہ سال 2015میں حکمرانوں کی غلط پالیسیوں کی وجہ سے ملک بھر کے کسانوں کی معشیت تباہ و برباد ہو گئی ۔اورکسان کنگال ہو گئے ۔زرعی مداخل کھاد ، ڈیزل ، بجلی کیڑے مار ادویات ، زرعی مشینری اور بیجوں کی قیمتیں آسمان سے باتیں کرنے لگی جبکہ گنے ، چاول ، کپاس آلو ،مکئی اور دیگر اجناس کی قیمتیں آ دھی سے بھی کم رہہ گئیں ۔جسکی وجہ سے ملک کی ریڑھ کی ہڈی زراعت کی کمر ٹوٹ گئی ۔کسان راج تحریک نے ملک بھر کے کسانوں کے مطالبات منوانے کے لئے صادق آ باد سے اسلام آ باد کی طرف لانگ مارچ کیا مگر بے حس حکمرانوں نے کسانوں کا کوئی مطالبہ ماننے سے انکار کر دیا ۔ مجموعی طور پر پاکستان کی تاریخ میں سال 2015ملکی زراعت کے لئے بد ترین سال ثابت ہوا ہے ۔اب آئندہ سال 2016کو ملک بھر کے کسانوں کے لئے مبارک بنانے کے لئے حکمرانوں کو چاہیئے کہ وہ ملکی زراعت کے لئے ایسی پالیساں تشکیل دیں کہ جس سے دم توڑتی زرعی معیشت کو سہارا مل سکے انہوں نے مطالبہ کیا کہ زراعت کے لئے بجلی اور ڈیزل سستا کیا جائے ۔