اسلام آباد (نوائے وقت رپورٹ) اسلامی نظریہ کونسل کا اجلاس مولانا محمد خان شیرانی کی زیرصدارت ہوا، اسلامی نظریہ کونسل نے ملک میں ابتدائی تعلیم سے متعلق سفارشات پیش کردیں، کونسل کے مطابق مکتب کی تعلیم کو سکولوں کی تعلیم کے ساتھ جوڑا جائے، ابتدائی تعلیم علاقائی زبانوں میں دینے کا اہتمام کیا جائے، ملک میں یکساں نظام تعلیم رائج کیا جائے، تدریس اور مدارس کو جدید دور کے تقاضوں سے ہم آہنگ کیا جائے۔