ہالی و کے شب و روز

ہالی و کے  شب و روز

شاذیہ سعید
کمیرون ڈیاز نے کھائے دھوکے۔۔!
پیار میں کھائے  بڑے  دھوکے  ہیں۔۔۔ یہ  گانا آج  کل ہالی وڈ کی خوبرو، مزاحیہ اورپرکشش اداکارہ کیمرون ڈیاز گنگناتی  نظر آرہی  ہیں۔ جیسا کہ  ہم جانتے  ہیں   خواہ کوئی عام آدمی  ہو یا کوئی  معورف شخصیت اس نے  اپنی  زندگی  میں کبھی  نہ  کبھی  کسی  نہ  کسی  کے  ہاتھوں دھوکہ  ضرور کھایا ہے۔کمیرون ڈیاز سے  جب اس حوالے  سے  پوچھا گیا تو ان کا کہنا تھا کہ  ہر انسان اپنی  زندگی  میں دھوکہ  کھاتا ہے  پھر چاہے دھوکہ  دینے  والا آپکا بھائی ، دوست یا شوہر ہی کیوں نہ  ہو۔دکھ  اس بات  کا نہیں ہوتا کہ  دھوکہ  ملا زیادہ  دکھ  اس بات  کا ہوتا ہے  جن سے  ہمیں امید نہیں ہوتی  وہی  ہمارے  خلاف سازش کرتے  ہیں اور جن لوگوں کو دھوکے  ملے  ہیں وہی  اس دکھ  کا اندازہ  بھی  لگا سکتے  ہیں۔دھوکے  تو کھائے  ہیں کیمرون نے  بھی  لیکن محترمہ  نے  کبھی  کسی  سے  بدلہ  لینے  کا نہیں سوچا البتہ  اپنی  آنے  والی  فلم میں وہ  ایک ایسی  عورت  کا کردار ادا کر رہی  ہیں جو اپنے  شوہر کے  ہاتھوں دھوکہ  کھاتی  ہے  اور پھر اس سے  بدلہ  لینے  کے  لئے  میدان میں اتر آتی  ہے۔ امید ہے  کہ  ان کی  یہ  فلم کامیابی  سے  ہمکنار ہو اور وہ  مزید دھوکے  کھانے  سے  محفوظ رہیں۔

جسٹن بیبر نے  مداحوں سے  مانگ  لی  مافی!
ہالی  وڈ کے  نو عمر گلوکار جنہوں نے  کم عمری  میں ہی  شہرت کی  ان بلندیوں کو چھو لیا جس کے  لئے  کسی  کو بھی  برسوں محنت  کرنی  پڑتی  ہے۔جسٹن بیبر آج  کل  خوب خبروں کی  زینت  بنے  ہوئے  ہیں۔ حال ہی  میں اپنے  دورہ  چین سے  لوٹے  ہیں لیکن آتے  ہی  چینی  مداحوں سے معافی تلافی  پر اتر آئے ۔ آخر اپنے  دورے  کے  دوران جسٹن نے  ایسا کیا  گناہ  کر دیا۔ جناب کسی  کی تاریخی و مذہبی عمارت کا مذاق اڑاؤ گے  تو وہ  لوگ  پھولوں کے  ہار تھوڑی  پہنائیں گے۔ ہاں جی  بییر نے  اپنے  دورے کے  دوران ٹوکیو میں  موجودہ ایک درگاہ کے  باہر کھڑے  ہو کر تصویر بنوائی  اور  نیچے  لکھ  دیا ’’بے بی ہٹ میکر‘‘ مذبہی درگا میں۔ یہ  وہ  درگاہ  ہے  جو 1868ء میں چھڑی جنگ عظیم دوئم  میں مرنے  والے افراد کی  یاد میں قائم کی گئی  تھی لیکن جسٹن بیبر اس بات  سے  نا واقف تھے۔ جب چینی  اور جاپانی  باشندوں نے  بیبر کی  اس حرکت پر آواز اٹھائی  تو جسٹن صاحب اپنی  نابلدی کے  باعث شرمندہ  ہو کر سب سے  مافی  مانگے  نکل  پڑے اور قصور وار ٹھہرایا اپنے  ڈرائیور کو کہ  اس نے  مجھے  بتایا ہی  نہیں کہ  وہ  کوئی  مذبہی  عمارت  ہے۔ اسے  کہتے  ہیں الٹا چور کوتوال کو ڈانٹے۔
 
جوڈی فوسٹر کی اپنی  سہیلی سے  شادی
ہالی  وڈ کی  معروف امریکی اداکارہ جوڈی  فوسٹر نے  اپنی  سہیلی الگزینڈرا بیڈسن سے کر لی ہے شادی۔ دنوں سہلیاںایک سال سے ایک ساتھ رہ رہی  تھیں۔ جوڈی  اس سے  قبل  بھی اپنی  ایک سہیلی سنڈی برنارڈ  کے  ساتھ 20سال تک رہیں لیکن2008ء میں اختلافات  کے  باعث دونوں میں علیحدگی  ہوگئی۔جوڈی فوسٹر نے اپنی جس سہیلی سے شادی کی ہے وہ فوٹوگرافر اور اداکارہ ہیں۔ واضح رہے کہ دو آسکر ایوارڈز یافتہ فوسٹر نے گذشتہ سال گولڈن گلوب ایوارڈز کی تقریب کے دوران سر عام اپنے ہم جنس پرست ہونے کا اعتراف کیا تھا۔

جولیا رابرٹس کی  خاموشی  کو مل  گئی  زباں۔۔۔!
 ہالی  وڈ کی  سویٹ اور خاموش طبع اداکارہ جویلیا رابرٹس جو گزشتہ کچھ  عرصے  سے  اپنی  بہن نینسی موٹس کی  موت سے  ذہنی  طور پر بیحد پریشان تھیں اچانک  میڈیا کے  سامنے  آگئیں۔ یاد رہے  نینسی  کی  موت  اپنے  فلیٹ میں دواؤں کے  زیادہ  استعمال سے  ہوئی  تھی۔46سالہ اداکارہ  نے  ایک  میگزین کو انٹریو دیتے  ہوئے  بتایا کہ جب سے  اس کی  بہن کا انتقال ہوا ہے  پوری  فیملی  دکھ  اور کرب سے  گزر رہی  ہے۔ ہم میں سے  کسی  نے  نہیں سوچا تھا کہ  کبھی ایسا وقت  بھی  آئے  گا تاہم کوشش کر رہے  ہیں کہ  ہم اس کیفیت  سے  باہر نکل سکیں۔ جولیا رابرٹس بھلے  ایک  معورف اداکارہ  ہیں لیکن اپنے  بہن بھائیوں پر جان چھڑکتی  ہیں یہی  وجہ  ہے  کہ  نینسی  کی  موت  کو برداشت  نہیں کر پائیں۔ التبہ وہ  کوشش کر رہی  ہیں کہ  جلد ہی  اپنے  کام کی  جانب ان کا دھیان بٹ جائے تاہم جولیا کا یہ  بھی  کہنا ہے  کہ و ہ  خود کو ایک  سلیبرٹی نہیں سمجھتیں بلکہ وہ  ایک  عام انسان ہیں۔

سیلینا گومز کا مذہبی  لگاؤ۔۔۔!
ہالی  وڈ کے  زیادہ تر ستارے  پردہ سکرین پر کم اور ری ہیب سینٹرز میں زیادہ  دکھائی  دیتے  ہیں  لیکن کم عمراور خوبصورت گلوکارہ سیلینا گومز نے  ری ہیب سے  بچنے  کا ایک طریقہ  ڈھونڈ نکالا ہے۔ 21سالہ سیلینا نے  اپنا دھیان مذہب کی  جانب لگا لیا ہے تاکہ  وہ  کسی  بھی  قسم کے  ذہنی  تناؤ سے محفوظ رہ  سکیں۔ اسی  سلسلے  میں سیلینا آج کل  چرچ جانے  لگیں تاکہ خود کو روحانی  طور پر ہلکا پھلکا محسوس کر سکیں۔تاہم انہوں نے منفی رویے اور خیالات  کے  حامل افراد سے  بھی  ملنا جلنا کم کر دیا ہے ۔ اب سیلینا کا یہ  عمل  انہیں کس سمت  لے  جائے  گا یہ  تو وقت  ہی  بتائے  گا۔